Азнакай укучылары илһамлы

Укучыларда әдәбиятка, сәнгатькә карата кызыксыну уяту, сәләте яшьләрне ачыклау, яшь язучыларны таныту максатыннан, Татарстан Республикасы мәгариф һәм фән министрлыгы Язучылар берлеге белән берлектә татар телендә иҗат итүче мәктәп укучылары арасында "Илһам" Бөтенроссия яшь язучылар бәйгесен уздырды. Анда барлыгы 2877 эш кабул ителгән. Икенче турга районыбыздан Азнакай шәһәре 7 нче урта мәктәбенең 5 В сыйныфы укучысы Нәргизә Хафизова (укытучысы Г.Фазлыева), Актүбә бистәсе 3 нче урта мәктәбеннең 11 нче сыйныф укучысы Ринат Кәлимуллин (укытучысы Л.Рәхимҗанова), Урманай урта мәктәбенең 5 нче сыйныф укучысы Сөмбел Шәфыйкова (укытучысы Э.Ихсанова) үтеп, 12 апрель көнне Казан шәһәренең "Пирамида" мәдәни-күңел ачу үзәгенә чакырылдылар. Аларның өчесе дә дипломнар белән бүләкләнделәр.

Гөлфинә Фазлыева, Азнакай 7 нче урта мәктәбенең татар теле һәм әдәбияты укытучысы