Азнакай өлкәннәре шәһәр төзеклеген кайгырта. ФОТОРЕПОРТАЖ.

Фото Шарипова Р.

Алина Солтанова җитәкчелегендәге «28 нче квартал» идарәче компаниясе Әлфия Хисаметдинова җитәкчелегендә 1 һәм Нурия Хаҗипова җитәкчелегендә 4 нче территориаль иҗтимагый үзидарәләр белән берлектә әлеге микрорайонда яшәүче өлкәннәрне чәй табыны артына җыйды. Бу очрашуда шәһәр башкарма комитеты җитәкчесе Марат Солтанов та катнашты. Өлкәннәр аңа ишек алларын төзекләндерүгә кагылышлы сорау-гозерләрен җиткерделәр. Авырлыклар күреп үскән буын сакчыл, һәр нәрсәгә игътибарлы. Алар яңа төзелгән Җиңү паркында утларның озак янып торуына да борчылалар. «Һәр йортка берәр көрәк алып бирсәгез, үзебез җирне казып, чәчәкләр үстерер идек», - дип тә өстәделәр.