Азнакайлылар хәрбиләргә гуманитар ярдәм җибәрде
Районнан хәрби операциядә катнашучыларга кирәк-яраклар төялгән өч машина ерак юлга кузгалды.
Азнакайда яшәүчеләр беренче көннән үк Украинада барган махсус операциядә катнашучыларга ярдәм итәргә алындылар. Авылларда, шәһәребездә оекбаш-бияләйләр бәйлиләр, эчке киемнәр тегәләр, гуманитар ярдәм җыялар. Аның чираттагысы кичә егетләребезгә китте.
– Махсус операциядә катнашып, туган илебезне яклаган егетләребезгә җиденче тапкыр гуманитар ярдәм җибәрәбез. Әлеге изге эштә катнашкан, битараф калмаган һәр азнакайлыга бик зур рәхмәт, – диде район башлыгы Марсель Шәйдуллин.
Районы хакимияте безнең сугышчылар өчен “УАЗ” автомашинасын да сатып алган.
Киләсе атна азагында районнан махсус хәрби операция зонасына кабат гуманитар ярдәм җибәреләчәк.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев