Алдынгылыкны бирми

Вәсилә Гәрәева «Марс» ҖЧҖ сыер савучылары арасында беренчелекне бирми. Узган ел бер сыердан 5515 литр сөт савып алган. Озак еллар намуслы хезмәт куючы тәҗрибәле терлекче бозауларның үлем-китеменә дә юл куймый. Терлек аслары һәрчак чиста.

Терлекчелек продуктлары җитештерү һәм сату авыл хуҗалыгында төп керем чыганагы булып кала. Агросәнәгать предприятиеләрендә бүген 22 мең 546 баш мөгезле эре терлек (шуның 7 мең 384е - савым сыер), 2 мең 526 дуңгыз, 1 мең 738 сарык бар. Әмма бу күрсәткечләр канәгатьләнерлек дәрәҗәдә түгел. Ел ахырына кадәр район хуҗалыкларындагы мөгезле эре терлекләр санын 25 мең башка җиткерү бурычы куелды.