Карамалы авылында яшәүче кадерле әниебез, әбиебез Вәлиева Гөлсинә Әхмәтша кызына 22 февральдә 80 яшь тула

Әниебез!

Сине юбилеең белән кайнар котлыйбыз. Син без – балаларыңның яраткан әнисе, оныкларыңның, оныкчыкларыңның яраткан әбиләре.

Син үзеңнең тырышлыгың, эш сөючән булуың, сабырлыгың белән хәзерге көндә дә безне сөендереп, Ак әби булып, биш вакыт намазыңны калдырмыйча гомер кичерәсең.

Шушы Ходай биргән гомереңне ныклы сәламәтлектә, балаларың, оныкларың, оныкчыкларың белән бергәбергә кайгы-хәсрәт күрми, шатлык куанычлар кичереп үткәрергә язсын.

Бәхетле картлык насыйп итсен Ходай. Илләребез имин, тыныч булсын.

Котлы булсын юбилеең,

Бәхетләрең килсен күренеп.

Куанычлар гына юлдаш булсын,

Яшә шатлыкларга төренеп.

Иң изге теләкләр белән: балаларың, кияү-киленнәрең, оныкларың, оныкчыкларың